Urrunekoa gertu sentitzeko eta gertukoa balioan jartzeko aukera ematen digu San Fermin Ikastolak. Zubiak eraikitzekoa. Zubilan horiek komunikazioaren eta markagintzaren bidez egiteko aukera eta ardura daukagu.
San Fermin Ikastola
Bizitzarako eskola
MARKAGINTZA
Nortasuna sendotzen
Geroa gaurtik eraikitzen hasi ahal izateko, garrantzitsua da nondik gatozen jakitea. Arraunlarien gisan, atzera begira hasi ginen, aurrera egin ahal izateko. Izena izanaren parte denez, horri heldu genion eta iruditeria eraldatuta, nortasuna sendotu dugu.
IDENTITATEA IRUDIEKIN ETA HITZEKIN ERROTZEN
Ezarpenak
Preskriptoreak markaren enbaxadore
Komunitate osoak osatzen du San Fermin Ikastolaren marka; denen artean eraiki dute eta elkarrekin ematen diote bizia egunero egunero. Horri esker, kanpo komunikazioari begira hezkuntza zentroari bultzada garrantzitsua ematen dioten preskriptorez inguratuta dago San Fermin Ikastola: egungo ikasleak, ikasle ohiak, irakasleak, langileak… Ondo zaindutako enbaxadoreek edozein publizitate kanpainak baino eragin handiagoa izan dezakete. Ikusi bideo hauek, adibide gisa:
Elkarrekin egindako bidea
San Fermin Ikastolan argi dute bidea norberak egiten duela. Eta marka sendotzeko bide hau elkarrekin egin dugu, batera. Prozesuan San Fermin Ikastolako ikasleek, langileek eta familiek hartu dute parte. Parte garenean sentitzen baitugu gure.
