Irailaren 16an, asteartea, “Kooperatibismoa jarduera-sektore berrietan” izeneko jardunaldia ospatuko da Bilboko Azkuna Zentroan, Alhondigan, arratsaldeko 15:30etan.
Jardunaldia Patxi Olabarria Furundarena, Kooperatiben Kontseiluko presidenteak, egingo duen aurkezpenarekin hasiko da.
Ondoren, Gemma Fajado García doktoreak “Kooperatiba-sozietateak jarduera-sektore berrietan, autonomia-erkidegoko araudiaren arabera” izeneko ponentzia eskainiko du.
Jardunaldiaren bigarren zatia mahai-inguruari eskainiko zaio, “Kooperatibismo berria euskal errealitatean: alderdi juridikoak eta praktikoak” gai nagusia aztertuz. Horretarako ondorengo gai hauek aztertuko dira:
- Zerbitzu publikoetarako kooperatibak
- Plataformako kooperatiba digitalak
- Energia berriztagarrietako kooperatibak
- Startup kooperatiboak
- Erabilera-lagapeneko araubidezko kooperatibak
Azkenik, jardunaldia Elena Pérez Barredo, Eusko Jaurlaritzako Lan eta Gizarte Segurantzako sailburuordeak, amaituko du.
Parte hartu nahi dutenek aurrez izena eman beharko dute.
